KOCHA WA BARCELONA AMMWAGIA MISIFA MESSI.

MENEJA wa klabu ya Barcelona, Luis Enrique amedai kuwa Lionel Messi in mchezaji kutoka sayari nyingine baada ya kusaidia kuididimiza Bayern Munich katika mchezo wao wa mkondo wa kwanza wa nusu fainali ya Ligi ya Mabingwa Ulaya jana usiku. Nyota huyo wa kimataifa wa Argentina mwenye umri wa miaka 27, alifunga amabao mawili katika ushindi wa mabao 3-0 waliopata Barcelona katika mchezo huo uliofanyika katika Uwanja wa Camp Nou. Akihojiwa Enrique amesema walitengeneza nafasi nyingi kuliko wapinzani wao na kumsifia Messi kea uwezo mkubwa alioonyesha kuisasambua safu ya ulinzi ya Bayern. Messi pia amemwagiwa sifa na wachezaji wenzake akiwemo kiungo Andres Iniesta ambaye amedai nyota huyo amemuacha akiwa hana la kusema huku Javier Mascherano yeye akidai wana faida kubwa kuwa naye katika kikosi chao. Beki wa Barcelona Gerard Pique ameongeza akidai kuwa hata meneja wa Bayern Pep Guardiola anafahamu kuwa Messi akiwa katika kiwango chake cha juu hakuna yeyote anayeweza kumzuia.