MADRID YAIPA NAFASI YA BARCELONA KUTWAA UBINGWA WA LA LIGA.

KLABU ya Real Madrid jana imepata sare nyumbani hivyo kuwapa nafasi mahasimu wao Barcelona kuukaribia ubingwa wa Ligi Kuu ya Hispania maarufu kama La Liga. Madrid jana waling’ang’ania sare ya mabao 2-2 dhidi ya Valencia hivyo kutanua pengo la alama kati yao na Barcelona kufikia nne huku kukiwa kumebaki michezo miwili kabla msimu kumalizika. Ushindi katika mchezo wao wa jana dhidi ya Real Sociedad unawafanya kujiweka katika nafasi nzuri ya kutwaa taji la hilo. Mzunguko huu wa La Liga ni wa mwisho kabla ya kusimamishwa kwa shughuli za soka hakujaanza nchini Hispania kutokana na mgogoro wa haki za kurusha matangazo. Kama mgogoro huo ukifanikiwa kutatuliwa na msimu kuweza kuendelea, Barcelona ambao hawajafungwa mechi saba zilizopita, watahitaji kuwafunga mabaingwa watetezi Atletico Madrid au Deportivo La Coruna katika mchezo wao wa mwisho wa msimu.