MOURINHO AMVULIA KOFIA FERGUSON.

MENEJA wa Chelsea, Jose Mourinho amesisitiza hawezi kufikia rekodi ya kocha wa zamani wa Manchester United Sir Alex Ferguson ya kushinda mataji 13 ya Ligi Kuu akiongeza kuwa ni jambo lisilowezekana. Mourinho ameongoza Chelsea kunyakuwa taji la ligi msimu huu baada ya kupata ushindi wa bao 1-0 dhidi ya Crystal Palace Jumapili iliyopita. Hilo linakuwa taji lake la tatu katika kipindi chake cha pili akiinoa Chelsea baada ya kupata mawili mengine katika msimu 2004-2005 na 2005-2006. Akiulizwa kuhusiana na hilo Mourinho amesema ana safari ndefu lakini Ferguson ameacha kitu katika nafasi isiyowezekana kwa yeyote hivyo hawezi kushinda mataji 13 ya Ligi Kuu. Kocha huyo aliongeza kuwa anaweza kushinda mataji tofauti 13 kwani mpaka sasa anayo nane lakini 13 ya Ligi Kuu haitawezekana kabisa.