UWEZO WA SANCHEZ WAMSTAAJABISHA WENGER.

MENEJA wa klabu ya Arsenal, Arsene Wenger amesema ameshangazwa na idadi ya mabao yaliyofungwa na Alexis Sanchez baada ya nyota huyo wa kimataifa wa Chile kufunga mawili katika ushindi wa mabao 3-1 waliopata dhidi ya Hull City. Sanchez amekuwa akifurahia msimu wake wa kwanza Ligi Kuu naada ya kujiunga na Arsenal akitokea Barcelona kwa kitita cha paundi milioni 32 majira ya kiangazi mwaka jana, na kuja kuwa mchezaji wa kwanza wa timu hiyo kufunga mabao 20 kwa msimu toka enzi za Thierry Henry. Akihojiwa Wenger amesema hakumtegemea Sanchez kufikisha idadi hiyo ya mabao kwani wakati anamchukua alimtegemea zaidi kuwa mtengenezaji kuliko mfungaji. Ushindi huo unakuwa wa tisa kwa Arsenal katika michezo 10 iliyopita hivyo kuwafanya kulingana alama na Manachester City katika nafasi ya pili ya msimamo wa ligi.