WENGER AITUHUMU UNITED KUWINDA WACHEZAJI ANAOWATAKA.

MENEJA wa Arsenal, Arsene Wenger amekiri kuingiwa na wasiwasi kuwa mahasimu wao wa Ligi Kuu Manchester United watatumia fedha walizonazo kuwanasa wachezaji anaowawinda kuwasajili katika majira ya kiangazi. United ambao tayari imetangaza kumsajili winga wa PSV Eindhoven Memphis Depay kea kitita cha euro milioni 27.5, itatumia fedha nyingi katika usajili huu kama walivyofanya mwaka jana wakati walimpowanunua kina Angel Di Maria, Ander Herrera, Luke Shaw, Marcos Rojo na Daley Blind wakitumia karibu euro milioni 200. Wenger anaamini meneja wa United Louis van Gaal atatumia kiasi kama hicho cha fedha katika usajili wa kiangazi hiki. Akihojiwa Wenger amesema anategemea United kuwa tishio katika kipindi cha usajili kwani kila mchezaji anayemuwania wapinzani wao hao nao wanakuwa wanamtaka. Arsenal itasafiri kuelekea Old Trafford kupambana na Manchester United Jumapili hii.