COPA AMERICA: ARGENTINA WAPATA USHINDI MWEMBAMBA MBELE YA MABINGWA WATETEZI URUGUAY.

BAO pekee la Sergio Aguero alilofunga kea mpira wa kichwa lilitosha kuipa ushindi mwembamba wa bao 1-0 Argentina dhidi ya bingwa mtetezi wa michuano ya Copa America inayoendelea nchini Chile. Mshambuliaji huyo wa Manchester City alifunga bao hilo katika dakika ya 56 akimalizia krosi nzuri iliyochongwa na Pablo Zabaleta. Argentina wanaopewa nafasi kubwa ya kunyakuwa taji la michuano hiyo waling’ang’aniwa sare ya mabao 2-2 na Paraguay katika mchezo wao wa ufunguzi lakini sasa wanaongoza kundi B baada ya kupata ushindi huo. Argentina sasa itaivaa Jamaica katika mchezo wao wa mwisho wa makundi baada ya timu hiyo kutoka nchi za ukanda wa Caribbean ambao in waalikwa katika michuano hiyo kutandikwa bao 1-0 na Paraguay.