KOMBE LA DUNIA WANAWAKE: BRAZIL WAENGULIWA NA AUSTRALIA.

TIMU ya taifa ya soka ya wanawake ya Brazil, imeondolewa katika michuano ya Kombe la Dunia la wanawake jana baada ya kukubali kipigo cha kushtusha cha bao 1-0 kutoka kwa Australia jana. Bao pekee katika mchezo huo lilifungwa na nyota wa Australia Kyan Simon katika dakika ya 80 aliyeingia akitokea benchi na kuifanya Australia kutinga hatua ya robo fainali ya michuano hiyo kea mara ya kwanza. Sasa Australia watakwaana na aidha mabingwa watetezi Japan au Uholanzi kea ajili ya kutafuta nafasi ya kucheza hatua ya nusu fainali. Katika mechi zingine za mtoano Ufaransa ilirarua bila huruma Korea Kusini kwa mabao 3-0 na kuwafanya kutinga hatua hiyo ambapo sasa watakwaana na Ujerumani wanaopewa nafasi kubwa ya kunyakuwa taji hilo. Kwa upande mwingine wenyeji Canada nao walifanikiwa kusonga mbele kwa kuichapa Uswisi kwa bao 1-0 na sasa wanasubiri kucheza na mshindi kati ya Uingereza au Norway katika hatua hiyo inayofuata.