CABAYE AMWAGA WINO CRYSTAL PALACE.

KLABU ya Crystal Palace imethibitisha kumsajili kiungo wa kimataifa wa Ufaransa, Yohan Kabaye kutoka klabu ya Paris Saint-Germain kwa mkataba wa miaka mitatu. Inaaminika kuwa Palace wamelipa ada ya paundi milioni 10 kwa ajili ya kumnasa kiungo huyo ambaye ataungana na meneja wa zamani Alan Pardew. Cabaye amefanya kazi kwa miaka mitatu chini ya Pardew wakati akiwa Newcastle United kipindi ambacho alikuwa akihesabiwa kama mmoja wa viungo bora katika Ligi Kuu. Kiwango chake hicho ndio kilichangia kwa kiasi kikubwa kuwafanya PSG kutoa karibu paundi milioni 20 kumsajili mapema mwaka jana.