LIVERPOOL YASAJILI MCHEZAJI WA SABA.

MCHEZAJI kinda wa zamani wa Barcelona, Bobby Adekanye amethibitisha katika ukurasa wake wa mtandao wa kijamii wa Instagram kuwa amesajiliwa na klabu ya Liverpool. Liverpool wamemsajili chipukizi huyo mwenye umri wa miaka 16 kutoka Barcelona pamoja na kutakiwa na klabu za Ajax Amsterdam ambako alicheza kwa mkopo msimu uliopita pamoja na PSV Eindhoven. Kinda huyo ambaye ni mzaliwa wa Nigeria, aliandika katika ukurasa wake huo akieleza kufurahishwa kwake kusajiliwa na Liverpool. Adekanye ambaye anafananishwa winga nyota wa Bayern Munich Arjen Robben, alijiunga na Barcelona akiwa na umri wa 12 lakini sasa hatafaulu kucheza katika kikosi cha kwanza camp Nou baala yake amejiunga na Liverpool. Huo unakuwa usajili wa saba kwa Liverpool majira haya ya kiangazi baada ya kuwa tayari wameshapata saini za james Milner, Danny Ings, Adam Bogdan, Roberto Firmino, Nathaniel Clyne na chipukizi Joe Gomez.