MADRID YAKARIBIA KUMNASA MBADALA WA IKER CASILLAS.

KLABU ya Espanyol, imethibitisha Real Madrid kukubali dili la kumsajili golikipa wao Kiko Casilla. Golikipa wa kimataifa wa Hispania, ambaye ni matunda ya shule ya Blancos, aliondoka Santiago Bernabeu mwaka 2008 lakini kuondoka kwa Iker Casillas kwenda Porto kumepelekea nyota huyo kurejeshwa tena katika klabu hiyo kama mbadala wake. Katika taarifa ya Espanyol iliyotumwa katika mtandao wake imedai kuwa tayari makubaliano yameshafikiwa na kilichobaki sasa ni masuala binafsi ya mchezaji mwenyewe. Casilla ameichezea Espanyol kwa misimu minne akiwa kama golikipa namba moja na kufanikiwa kucheza mechi 126.