MAN UNITED KUMPIGA BEI VALDES KWA UJEURI.

GOLIKIPA wa Manchester United, Victor Valdes anatarajiwa kuuzwa baada ya meneja Louis van Gaal kudai amekataa kucheza katika kikosi cha wachezaji wa akiba. Golikipa huyo wa kimataifa wa Hispania mwenye umri wa miaka 33, ameachwa katika kikosi cha United kilichoanza ziara yake ya maandalizi ya msimu mpya nchini Marekani. Akihojiwa Van Gaal, amesema Valdes hataki kufuata utaratibu wake ndio maana ameamua kumuacha katika kikosi chake. Kocha huyo alipoulizwa kuhusu golikipa wake namba moja David de Gea ambaye amekuwa akihusishwa na tetesi za kuondoka kipindi hiki cha majira ya kiangazi alidai kuwa hawezi kusema lolote kwani yuko vizuri.