REAL MADRID NDIO KLABU YENYE THAMANI ZAIDI ULIMWENGUNI.

KLABU ya Real Madrid imeendelea kuongoza katika orodha za klabu za michezo tajiri kwa mujibu wa viwango vilivyotolewa na gazeti la Forbes jana. Madrid wanaongoza kwa na thamani ya dola bilioni 3.26, wakifuatiwa na timu ya Dallas Cowboys ya Mpira wa Miguu wa Kimarekani-NFL yenye thamani ya dola bilioni 3.20 ambao wamefunga na timu ya baseball ya New York Yankees yenye thamani kama hiyo. Nafasi ya nne inashikiliwa na Barcelona wenye thamani ya dola bilioni 3.16 na kufuatiwa na Manchester United katika nafasi ya tano ambao wana thamani ya dola bilioni 3.10. Timu nyingine ni Los Angeles Lakers ya NBA yenye thamani ya dola bilioni 2.60 ambao wanafungana na New England Patriots ya NFL yanye thamani kama hiyo, wakifuatiwa na New York Knicks ya NBA wenye thamani ya dola bilioni 2.50. Timu ya Baseball ya Los Angeles Dodgers wao wako katika nafasi ya tisa wakiwa sambamba na timu ya NFL ya Washington Redskins ambao wote wana thamani ya dola bilioni 2.40.