MESSI ADAI INAUMA SANA KUPOTEZA MCHEZO WA FAINALI.

MSHAMBULIAJI nyota wa kimataifa wa Argentina, Lionel Messi ameeleza jinsi gani alivyoumia kwa kukosa taji kwa mara nyingine tena katika ujumbe wake wa shukrani kwa mashabiki wa nchi hiyo. Messi ambaye alikiongoza kikosi cha timu ya taifa ya nchi hiyo mpaka katika muda wa ziada katika mchezo wa fainali ya Kombe la Dunia dhidi ya Ujerumani mwaka jana, alijikuta katika majonzi yanayofanana baada ya kulikosa na taji la Copa America lilichukuliwa na wenyeji Chile. Messi aliandika katika ukurasa wake wa facebook akidai kuwa hakuna kitu kinachoumiza zaidi kama kupoteza mchezo katika fainali lakini hataki kubaki na hilo kwa muda mrefu kwani maisha yanaendelea. Nyota huyo aliwashukuru mashabiki waliowaunga mkono kuanzia mwanzo na hata wale walioendelea kuwaunga mkono nyakati hizi ngumu.N Kuna taarifa zisizokuwa rasmi zilizozagaa nchini Hispania kuwa Messi amekataa tuzo ya mchezaji bora wa Copa America kufuatia kipigo hicho walichopata kutoka kwa Argentina.