MESSI NI BORA KULIKO RONALDO - NADAL.

BEKI wa zamani wa Barcelona, Miguel Angel Nadal anaamini nyota wa Real Madrid Cristiano Ronaldo hajamfikia hata kwa karibu kiwango alichonacho Lionel Messi. Mshambuliaji huyo wa kimataifa wa Argentina alikuwa mchezaji muhimu katika kikosi cha Barcelona msimu uliopita ambapo walifanikiwa kushinda mataji matatu kwa mpigo. Pamoja na Ronaldo kumzidi Messi katika tuzo ya mfungaji bora wa La Liga msimu uliopita, Nadal anadhani Messi hawezi kufikiwa na mchezaji yeyote kutokana na ubora wake katika soka. Akihojiwa Nadal amesema Barcelona wana timu kubwa yenye muhimu kama Messi kwani anawezi kufungua mchezo kutokea popote pale. Nadal aliendelea kudai kuwa Ronaldo amekuwa akionyesha kiwango kizuri lakini kamwe huwezi kumfananisha na Messi.