MOURINHO ADAI CITY NA SOUTHAMPTON NDIO WALIOMPA WAKATI MGUMU MSIMU ULIOPITA.

MENEJA wa Chelsea, Jose Mourinho amesema Manchester City na Southampton ndio walikuwa wapinzani wagumu kwa kikosi chake msimu uliopita. Chelsea walifanikiwa kunyakuwa taji la Ligi Kuu simu uliopita wakimaliza kwa tofauti ya alama nane mbele ya City walioshika nafasi ya pili. Hata hivyo Chelsea walipata wakati mgumu katika mechi zao dhidi ya City na Southampton na Mourinho amekiri timu hizo mbili zilimpa wakati mgumu kila alipokutana nazo. Mourinho amesema Ligi Kuu ni ngumu kulinganisha na nyingine kwani kila timu ni nzuri na zinatoa changamoto jambo ambalo linachangiwa kwa kiasi kikubwa na uwezo wao kifedha ambao unatoa nafasi hata kwa timu ndogo kusajili wachezaji wazuri.