SANCHEZ KUZIKOSA MECHI ZA MWANZO WA MSIMU.

MSHAMBULIAJI wa Arsenal, Alexis Sanchez anatarajiwa kukosa mwanzo wa msimu mpya wa Ligi Kuu baada ya kuisaidia nchi yake Chile kunyakuwa taji la Copa America. Nyota huyo mwenye umri wa miaka 26 ameifungia Arsenal mabao 25 msimu uliopita na kusaidia kumaliza katika nafasi ya tatu katika msimamo wa ligi na kuongeza bao lingine murua lililowawezesha pia kutetea taji la FA. Akihojia Wenger amesema Sanchez atarejea kutoka katika likizo yake Agosti 3 na kwa kawaida itamchukua wiki tatu ili kurejea tena uwanjani. Kocha huyo aliendelea kudai kuwa kutokana na hilo ni wazi kuwa Sanchez atakosa mchezo wa kwanza wa timu hiyo. Sanchez atakosa mchezo wa ngao ya hisani dhidi ya Chelsea utakaochezwa Agosti 2 mwaka huu huku pia akitarajiwa kukosa mchezo wa ufunguzi wa ligi dhidi ya West Ham United utakaopigwa Agosti 9.