SOUTHAMPTON YATHIBITISHA KUKATAA "VIHELA MBUZI" VYA UNITED KWA AJILI YA SCHNEIDERLIN.

MENEJA wa klabu ya Southampton, Ronald Koeman amethibitisha kuwa ofa ya klabu ya Manchester United kwa ajili ya kiungo wake Morgan Schneiderlin imekataliwa. Kiungo huyo mwenye umri wa miaka 25 alikosa mazoezi ya kwanza katika klabu yake jana lakini Koeman amesema nyota huyo wa kimataifa wa Ufaransa alikuwa akiumwa na atasafiri nao katika ziada yao ya maandalizi ya msimu mpya huko Austria. Akihojiwa Koeman amesema wiki mbili zilizopita walipokea ofa kutoka United lakini haikuwa ofa waliyotegemea hivyo ilikataliwa. Schneiderlin amekuwa akiitumikia Southampton toka mwaka 2008.