STERLING NDIO MCHEZAJI KINDA MWENYE THAMANI ZAIDI ULAYA.

UTAFITI unaonyesha kuwa winga mahiri wa klabu ya Liverpool, Raheem Sterling ndio mchezaji mdogo ghali zaidi barani Ulaya kwasasa. Kutupwa kwa ofa ya Manchester City ya paundi milioni 40 kwa ajili ya Sterling, kumemfanya nyota huyo kuthaminishwa kwa kitita cha paundi milioni 35 na gazeti la Soccerex. Beki wa Manchester United Luke Shaw amewekwa katika nafasi ya tisa katika orodha hizo huku beki wa Everton akiwekwa nafasi ya 16 na Calum Chambers wa Arsenal katika nafasi ya 19. Utafiti huo huangalia wachezaji wa mataifa yote wenye umri chini ya miaka 21 na wanaocheza soka Ulaya. Beki wa paris Saint-Germain, Mbrazil Marquinhos anashikilia nafasi ya pili akiwa na thamani ya paundi milioni 27 huku nyota mpya wa United Memphis Depay akishikilia nafasi ya tatu kwa thamani ya paundi milioni 23.8.