WEST HAM YAANZA VYEMA MECHI ZA KUFUZU EUROPA LEAGUE.

SAFARI ndefu ya klabu ya West Ham United kuelekea katika hatua ya makundi ya michuano ya Europa League, imeanza kwa kishindo baada ya kuibuka kidedea katika mchezo wa mkondo wa kwanza dhidi ya Lusitanos ya Andora. Mabao yaliyofungwa na mshambuliaji Diafra Sakho aliyefunga mawili na James Tomkins aliyefunga yalitosha kuihakikishia ushindi West Ham wa mabao 3-0 katika mchezo huo wa hatua za awali. Katika mchezo huo jumla ya mashabiki 35,000 walihudhuria kushuhudia mchezo huo smbamba na meneja wao mpya Slaven Bilic ambaye alikaa jukwaani. Mchezo wa maruadiano baina ya timu hizo unatarajiwa kuchezwa JUlai 9 mwaka huu.