BABA WA KINA GARY NA PHIL NEVILLE AFARIKI DUNIA AUSTRALIA.

BABA wa wachezaji nyota wa zamani wa kimataifa wa Uingreza na klabu ya Manchester United Gary na Phil Neville, amefariki dunia nchini Australia. Mzee huyo aitwaye Neville Neville alikimbizwa hospitali Jumanne wakati alipotua nchini humo kumuunga mkono binti yake Tracey ambaye ni kocha wa timu ya taifa ya mpira wa pete ya Uingereza ambayo iko katika michuano ya Kombe la Dunia la mchezo huo. 

Tracey alithibitisha kufariki kwa baba yake aliyekuwa na umri wa miaka 65 katika hospitali jijini Sydney leo. Mzee huyo ambaye alikuwa mkurugenzi wa zamani wa biashara wa klabu ya Bury alikuwa ameongozana na mkewe Jill. Klabu ya Manchester United iliandika katika ukurasa wake wa mtandao wa kijamii wa twitter wakiwapa pole Gary na Phil kwa msiba huo mkubwa wa baba yao.