BENITEZ ADAI RONALDO NI BORA NA HILO HALINA MJADALA.

MENEJA wa Real Madrid, Rafel Benitez amesema hakuna mdahalo wowote juu ya kama Cristiano Ronaldo ni mchezaji bora duniani au la. Nyota huyo wa kimataifa wa Ureno ambaye alifunga mabao matano katika mchezo dhidi ya Espanyol Jumamosi iliyopita na kuwa mfungaji anayeongoza kwa mabao katika historia ya Madrid, alifikisha mabao nane katika mechi mbili kufuatia kufunga hat-trick katika mchezo wa jana wa Ligi ya Mabingwa Ulaya ambao waliifunga Shakhtar Donetsk kwa mabao 4-0. Akihojiwa mara baada ya mchezo huo, Benitez amesema hakuna ubishi wala majadiliano kwani Ronaldo ndiye mchezaji bora duniani. Benitez aliendelea kudai kuwa anashangazwa kinachofuatiliwa sana ni jinsi watu wanavyosema kuhusu Ronaldo lakini sio kinachotokea uwanjani.