BLANC AITAKA PSG KUENDELEA KUKAZA.

MENEJA wa Paris Saint-Germain-PSG, Laurent Blanc amekiri kikosi chake kinasubiriwa na changamoto kubwa baada ya kuanza kampeni zao za michuano ya Ligi ya Mabingwa Ulaya kwa ushindi wa mabao 2-0 jana. Mabao ya Angel Di Maria na Edinson Cavani yalitosha kuipa ushindi PSG ambao katika msimu mitatu mfululizo iliyopiga wamekuwa wakikwama katika hatua ya robo fainali ya michuano hiyo. Katika kundi A PSG wanakabiliwa na changamoto ya kukwaana na wakongwe Real Madrid ambao nao walianza vyema michuano hiyo kwa kuichakaza Shakhtar Donetsk kwa mabao 4-0 huku nyota wake Cristiano Ronaldo akifunga hat-trick. Akihojiwa Blanc amesema mchezo huo ulikuwa muhimu kwasababu wamepata alama walizohitaji na sasa watakwenda kujipanga kuhakikisha wanafanikiwa wanendelea kufanya vyema.