DEPAY KUSHANGILIA KAMA KAWAIDA AKIIFUNGA PSV.

MSHAMBULIAJI Memphis Depay ana mpango wa kushangilia kama akifanikiwa kuifungia Manchester United katika mchezo wao wa Ligi ya Mabingwa Ulaya dhidi ya PSV Eindhoven utakaochezwa leo pamoja na kuitumikia muda mrefu klabu hiyo ya Uholanzi. Nyota huyo wa kimataifa wa Uholanzi, aliifungia PSV mabao 22 kaika ligi msimu uliopita na kuwasaidia kuibuka mabingwa kabla ya hajahamia United mapema kipindi hiki cha kiangazi. Lakini nyota huyo mwenye umri wa miaka 21 ameshaacha mambo yaliyopita nyuma katika kibarua chake kipya na United na hana mpango wowote wa kufuata nyayo za wachezaji wengine ambao hushindwa kushangilia wanapofunga pindi wanapocheza na timu zao za zamani. Akihojiwa Depay amesema PSV ni klabu ambayo ameitumikia kwa miaka 10 hivyo ni muhimu kwake lakini kama akicheza na kufunga atashangilia na haitamaanisha kuwa haiheshimu timu hiyo.