WAKATI UMEFIKA WA KUONYESHA UBORA WETU CHAMPIONS LEAGUE - KOMPANY.

NAHODHA wa Manchester City, Vicent Kompany amekubali kuwa muda umefika kwa kikosi chao ghali kuonyesha cheche zao katika michuano ya Ligi ya Mabingwa Ulaya wakati watakapokwaana na Juventus baadae leo. Mara mbili City wameenguliwa na Barcelona katika hatua ya timu 16 bora huku wakitolewa tena katika hatua makundi misimu miwili kabla. Sasa City wameimarisha kikosi chao kwa kununua wachezaji kadhaa nyota na msimu wameonekana kuanza kwa kiwango cha juu baada ya kushinda mechi zao tano za Ligi Kuu walizocheza mpaka sasa. Akihojiwa Kompany amesema kila kitu kimekuwa bora kwao hivi sasa lakini wanapaswa kuonyesha ubora wao huo katika michuano hiyo kama wanavyofanya katika ligi.