SHAW AVUNJIKA VIBAYA WAKATI MAN UNITED IKIANGUKIA PUA.

BEKI wa kati wa Manchester United Luke Shaw amevunjika mara mbili mguu wake wa kulia wakati timu yake hiyo ilipochapwa mabao 2-1 na PSV Eindhoven ya Uholanzi katika mchezo wa makundi ya michuano ya Ligi ya Mabingwa Ulaya jana. Klabu yake imedai kuwa Shaw mwenye umri wa miaka 20 amefanyiwa upasuaji jana usiku jijini Eindhoven na atabaki huko mpaka hali yake itakapotengemaa kidogo. Beki huyo alilazimika kupewa oxygen wakati akitibiwa kwa dakika 10 uwanjani baada ya kukwatuliwa na beki wa PSV Hector Moreno. Akizungumza na wanahabari meneja wa United, Louis van Gaal amesema ilikuwa ni rafu mbaya sana ambayo mwamuzi alipaswa kuchukua hatua lakini anashangaa hakuna lolote lililofanyika. Moreno aliomba radhi kwa tukio hilo akidai haikuwa dhamira yake bali bahati mbaya. Shaw alitua Old Trafford akitokea Southampton Juni mwaka jana kwa kitita cha paundi milioni 31.