KIWANGO CHA BELLERIN CHAMTISHA DEBUCHY.

BEKI wa Arsenal, Mathieu Debuchy amekiri kuwa kiwango bora alichonacho Hector Bellerin kinamlazimisha kufikiria mustakabali wake wa baadae katika klabu hiyo. Nyota huyo wa kimataifa wa Ufaransa alisajiliwa mwaka mmoja uliopita akitokea Newcastle United lakini amejeruhi ya muda mrefu aliyopata yamemfanya kupoteza nafasi yake katika kikosi cha kwanza. Debuchy alianza katika mchezo wa ufunguzi dhidi ya West Ham United lakini hajapangwa tena toka wakati huo na nyota huyo mwenye umri wa miaka 30 sasa anafikiria kuikacha klabu hiyo pindi dirisha la usajili litakapofunguliwa. Beki huyo amesema imekuwa vigumu kwake kukalia benchi na kiwango anachomuona nacho Bellerin hadhani kama anaweza kuilinda nafasi yake katika kikosi cha kwanza.