KOMBE LA SHIRIKISHO LAFIKIA NUSU FAINALI.

USHINDI wa mabao 4-1 waliopata Zamalek dhidi ya Orlando Pirates ya Afrika Kusini imeihakikishia uongozi wa kundi B klabu hiyo kutoka Misri katika michuano ya Kombe la Shirikisho. Ushindi pia unamaanisha kuwa Zamalek sasa watawakwepa mahasimu wao Al Ahly katika mchezo wa nusu fainali ya michuano hiyo. Lakini timu hizo zinaweza kukwaana katika hatua ya fainali kwasababu Al Ahly nao pia wamefuzu nusu fainali baada ya kuitandika Stade Malien kwa bao 1-0 Jumamosi iliyopita na kushikilia usukani wa kundi A. Zamalek wataivaa Etoile du Sahel ya Tunisia katika hatua hiyo inayofuata huku Al Ahly wao wakiivaa Pirates ambao wamesonga mbele pamoja na kipigo.