ROONEY AACHWA SAFARI YA UHOLANZI.

MSHAMBULIAJI wa Manchester United, Wayne Rooney ameachwa katika kikosi cha timu hiyo kwa ajili ya mchezo wa Ligi ya Mabingwa Ulaya dhidi ya PSV Eindhoven ya Uholanzi kutokana na majeruhi. Rooney mwenye umri wa miaka 29 hakucheza katika mchezo wa juzi ambao United iliichabanga Liverpool mabao 3-1 baada ya kuumia msuli wa paja akiwa mazoezini. Baada ya mchezo huo meneja wa United Louis van Gaal alidai kuwa kuna hatihati ya Rooney kutosafiri na sasa ameamua kutohatarisha majeruhi yake. Badala yake Rooney, Van Gaal amewajumuisha mshambuliaji James Wilson na kiungo Andreas Pereira katika kikosi chake.