UBORA WA ARSENAL UNAWATISHA WAPINZANI - WALCOTT.

MSHAMBULIAJI wa Arsenal, Theo Walcott anategemea mahasimu wao kuingiwa na woga zaidi kuhusu kikosi chao wakati msimu wa Ligi Kuu ukiendelea. Mabao ya Walcott na Olivier Giroud yaliisaidia Arsenal kupata ushindi wa mabao 2-0 dhidi ya Stoke City Jumamosi iliyopita ukiwa ni ushindi wao wa tatu katika mechi tano za ligi walizocheza mpaka sasa. Klabu hiyo ilikosolewa mwanzoni mwa msimu lakini mpaka sasa wamekubali nyavu zao kutikiswa mara tatu pekee na wako katika nafasi ya nne wakiwa nyuma ya vinara Manchester City kwa alama nne. Akihojiwa Walcott amesema alama tatu ndio kitu pekee chenye umuhimu katika hatua hizi na anaamini kuwa kuimarika kwa kiwango cha timu yao kitawatia hofu wapinzani wao. Arsenal inatarajiwa kuchuana na Dinamo Zagreb katika mchezo wa Ligi ya Mabingwa Ulaya Jumatano hii kabla ya kuivaa Chelsea Jumamosi.