USHINDI WAANZA KUMPA TENA JEURI MOURINHO.

MENEJA wa Chelsea, Jose Mourinho amesema amesahau raha za ushindi baada ya kikosi chake kujirekebisha na kuibuka na ushindi mnono wa mabao 4-0 dhidi ya Macabi Tel Aviv katika mchezo wa Ligi ya Mabingwa Ulaya jana. Chelsea walikuwa wamekwenda katika mcihuano hiyo wakiwa wamefanikiwa kupata ushindi mara moja katika mechi tatu walizocheza katika Ligi Kuu. Akihojiwa mara baada ya mchezo huo, Mourinho amesema amesahau hata fikra za ushindi huwa zinakuwaje kwani kwa kipindi kirefu hawajashinda mechi. Kocha huyo aliendelea kujinasibu kuwa yeye ni kocha bora wakati akishinda mechi na hata akipoteza pia. Katika mchezo huo ambao ulionekana kuwa rahjisi mabao ya Chelsea yalifungwa na Willian, Oscar, Diego Coasta na Cesc Fabregas huku Eden Hazard akikosa penati.