VAN NISTELROOY AMPA SOMO VAN GAAL KUHUSU MARTIAL.

MSHAMBULIAJI wa zamani wa Uholanzi na klabu ya Manchester United, Ruud van Nistelrooy amesema chipukizi Antony Martial anatakiwa kuchezeshwa kama mshambuliaji wa wa kulia msimu huu badala ya Wayne Rooney. Nyota huyo wa kimataifa wa Ufaransa mwenye umri wa miaka 19 ambaye alitua Old Trafford akitokea Monaco kwa kitita cha paundi milioni 36, alifunga bao katika mechi yake ya kwanza United wiki iliyopita dhidi ya Liverpool. Akihojiwa Van Nistelrooy amesema itakuwa muunganiko mzuri kama Martial atacheza mbele na Rooney kuwa nyuma yake kwani wanaweza kutengeneza safu nzuri ya ushambuliaji. Martial alichezeshwa kama mshambuliaji kiongozi katika mchezo wa Ligi ya Mabingwa Ulaya dhidi ya PSV Eindhoven jana huku Rooney akiwa majeruhi lakini pamoja na kuonyesha uwezo binafsi hakuweza kuzuia timu hiyo isifungwe mabao 2-1 na Waholanzi hao.