WENGER AMCHOKONOA MOURINHO.

MENEJA wa Arsenal, Arsene Wenger amemtaka Jose Mourinho kukabiliana na ukweli kuwa yuko chini ya shinikizo katika klabu yake ya Chelsea.  Klabu hizo mbili zinatarajiwa kukwaana mwishoni mwa wiki hii huku Chelsea wao wakielekea katika mchezo huo wakiwa na rekodi ya kuanza vibaya wakati Arsenal wakitarajia kusahau kipigo cha mabao 2-1 walichopata kutoka Dinamo Zagreb juzi.  Chelsea ambao ni mabingwa watetezi wa Ligi Kuu wamefanikiwa kushinda mechi moja ya ligi msimu huu na wanashika nafasi ya 17 katika msimamo wakiwa nyuma ya mahasimu wao Arsenal kwa alama sita.  Mourinho na Wenger wamekuwa na historia ya kukwaruzana na Mfaransa huyo alimwambia mwenzake huyo kuwa anatakiwa kuzoea hali ya kuwa chini ya shinikizo Stamford Bridge. Akihojiwa Wenger amesema kuna baadhi ya masuala ni magumu kutatulika na hayafurahishi lakini kila kocha katika soka kwa kipindi kirefu inabidi apambane nayo.