YALIYOJIRI JANA EUROPA LEAGUE.

MICHUANO ya Europa League hatua ya makundi imeanza kutimua vumbi rasmi jana kwa viwanja kadhaa kutimua vumbi katika michezo ya jana. Katika michezo ya jana timu za Tottenham Hotspurs, Schalke na Borussia Dortmund zilianza vyema michuano hiyo kwa kuchinda mechi zao. Spurs wakiwa katika uwanja wao wa nyumbani wa White Hart Lane walifanikiwa kuibuka na ushindi kwa kuichapa FK Qarabag ya Azerbaijan mabao 3-1. Kwingineko APOEL Nicosia ya Cyprus wakiwa wenyeji wa Schalke ya Ujerumani walikubali kipigo cha mabao 3-1 huku Wajerumani wengine Borussia Dortmund nao wakiibuka kidedea kwa kuichapa mabao 2-1 FK Krasnodar ya Urusi. Upande mwingine mabingwa wa zamani wa Ulaya Liverpool wao waling’ang’aniwa sare ya bao 1-1 na Bordeaux ya Ufaransa huku Ajax Amsterdam ya Uholanzi nao wakishindwa kuitambia Celtic ya Scotland kwa kutoshana nguvu ya bao 1-1.