BAADA YA KUICHAPA TANO DORTMUND, GUARDIOLA AWATAKA WACHEZAJI KUTOBWETEKA.

MENEJA wa Bayern Munich, Pep Guardiola amekitaka kikosi chake kutobweteka pamoja na kutanua pengo la alama kufikia saba kileleni mwa Bundesliga kufuatia kuichapa mabao 5-1 Borussia Dortmund. Washambuliaji nyota Thomas Muller na Robert Lewandowski walifunga mabao mawili kila mmoja katika mchezo huo uliofanyika katika Uwanja wa Allianz Arena jana kabla ya Mario Gotze hajapigilia msumari wa mwisho katika ushindi huo. Guardiola amesisitiza kuwa bado kuna kazi ya kufanya kwa kikosi chake pamoja na kuanza vyema msimu huu na kuwaweka mbali mahasimu wao mpaka sasa. Akihojiwa Guardiola aliwapongeza wachezaji wake na kudai kuwa walisuasua mapema na kutotengeneza nafasi nyingi kabla ya hawajapata bao la ufunguzi. Kocha huyo aliendelea kudai kuwa wamepata ushindi huo mnene lakini walifanya makosa mengi ambayo wanapaswa kuyafanyia kazi kuyasahihisha.