BALE MCHEZAJI WA MWAKA WA WALES.

MSHAMBULIAJI nyota wa Real Madrid, Gareth Bale ametajwa kuwa mchezaji bora wa mwaka wa Wales katika sherehe za tuzo za Chama cha Soka cha nchi hiyo-FAW. Bale ameshinda tuzo hiyo kwa mara tano huku pia akishinda tuzo nyingine ya mchezaji bora wa mwaka kutoka kwa mashabiki na wachezaji. Nyota huyo mwenye umri wa miaka 26 alikuwa na msimu wa pili mgumu nchini Hispania kufuatia Madrid kupoteza taji lake la Ligi ya Mabingwa Ulaya mapema mwaka huu. Lakini mabao sita aliyofunga katika mechi za kufuzu michuano ya Euro 2016 yameisaidia nchi yake ya Wales kujiweka katika nafasi nzuri ya kushiriki michuano hiyo mikubwa kwa mara ya kwanza toka mwaka 1958.