EUROPA LEAGUE: LEVERPOOL, SPURS, CELTIC ZATOA SARE.

KLABU za Liverpool, Tottenham Hotspurs na Celtic zote zimetoa sare katika mechi yao ya pili ya michuano ya Europa League iliyochezwa jana usiku, wakati Borussia Dortmund nao pia wakiambulia alama moja. Meneja wa Liverpool Brendan Rodgers ameendelea kuwa na wakati mgumu kutetea kibarua chake kufuatia kutoa sare ya bao 1-1 dhidi ya FC Sion katika mchezo wa kundi B uliofanyika katika Uwanja wa Anfield. Rodgers amekuwa kikosolewa na mashabiki wa timu hiyo kutokana na matokeo yasiyoyakuridhisha ambayo sasa yanwafanya kuambulia alama mbili katika mechi zao mbili za michuano hiyo walizocheza. Spurs nao walipata sare ya bao 1-1 dhidi ya AS Monaco huku Celtic wakipata sare ya mabao 2-2 dhidi ya Ajax Amsterdam huko Uholanzi. Dortmund wao walishindwa kuitambia PAOK ugenini kwa kutoka sare ya bao 1-1 wakati Napoli wao waliibuka kidedea kwa kuichapa mabao 2-0 dhidi ya Legia Warsaw.