NEYMAR ADAI TUZO YA BALLON D'OR INAMSUBIRI MESSI.

MSHAMBULIAJI nyota wa Barcelona, Neymar amedai tuzo ya Ballon d’Or kwa mwaka huu iko tayari inamsubiri mchezaji mwenzake Lionel Messi. Messi ndio anayepewa nafasi kubwa ya kunyakuwa tuzo hiyo baada ya kuiongoza vyema Barcelona kunyakuwa mataji matatu msimu uliopita kabla ya kuisaidia timu yake ya taifa ya Argentina kutinga hatua ya fainali ya Copa America. Neymar anataka kuwemo katika orodha ya wachezaji watatu wa mwisho watakaokuwepo katika sherehe za Januari mwakani lakini anauhakika wa tuzo hiyo itakwenda kwa nani. Akihojiwa Neymar aliweka wazi kuwa messi ndio anayepewa nafasi kubwa mwaka huu kwani amefanya mambo mengi makubwa kwa klabu na timu yake ya taifa hivyo anastahili.