STONES KUZIKOSA ESTONIA NA LITHUANIA.

BEKI wa timu ya taifa ya Uingereza, John Stones anatarajiwa kukosa mechi mbili za kufuzu michuano ya Euro 2016 dhidi ya Estonia na Lithuania, kutokana na majeruhi ya goti. Stones mwenye umri wa miaka 21 anayecheza katika klabu ya Everton aliwekwa benchi katika sare ya bao 1-1 waliyopata katika mchezo wa Ligi Kuu dhidi ya Liverpool katika Uwanja wa Goodison Park. Kocha wa Uingereza, Roy Hodgson amewaita wachezaji wa Tottenham Hotspurs Andros Townsend na Kyle Walker kuziba nafasi ya Stones. Uingereza ambao tayari wameshafuzu watapambana na Estonia katika Uwanja wa Wembley Ijumaa na Lithuania huko Vilnius Jumatatu ijayo.