LlORIS AWASHUKURU MASHABIKI UINGEREZA.

NAHODHA wa Ufaransa, Hugo Lloris amewashukuru mashabiki wa soka wa Uingereza kwa mapokezi ya kipekee wakati wa mchezo wao wa kirafiki wa kimataifa katika Uwanja wa Wembley Jumanne usiku. Mashabiki wa pande zote mbili kwa pamoja waliimba wimbo wa taifa wa Ufaransa na kulikuwa na utulivu mkubwa katika muda wa dakika moja za kuomboleza huku wachezaji wakishikana kwa pamoja. Katika mchezo huo Uingereza ilishinda mabao 2-0 ikiwa zilizkuwa zimepita siku nne toka mashambulio ya kigaidi ya Paris yafanyike na kuacha watu 129 wamepoteza maisha. Akihojiwa Lloris amesema mashabiki wa Uingereza waliwafanyia jambo kubwa kwani mapokezi waliyowapa yalikuwa ya kipekee hivyo anawashukuru kwa niaba ya wachezaji wenzake.