MARTIAL PANCHA.

MSHAMBULIAJI wa kimataifa wa Ufaransa na klabu ya Manchester United, Anthony Martial jana ameondoka katika Uwanja wa Wembley akiwa na magongo huku mguu wake wa kushoto ukiwa umefungwa baada ya kupata majeruhi katika mchezo wa kirafiki waliofungwa mabao 2-0 na Uingereza. Kocha wa timu ya taifa ya Ufaransa, Didier Deschamps hakubainisha ukubwa wa tatizo la nyota huyo mwenye umri wa miaka 19 ambaye alitolewa katika dakika ya 67 lakini alidai kuwa hadhani kama litakuwa tatizo kubwa. Akihojiwa Deschamps amesema Martial alitoka akiwa na maumivu kidogo baada ya mchezo lakini anadhani sio tatizo kubwa kama inavyodhaniwa. United pia watamkosa Antonio Valencia kwa miezi mitatu kutokana na majeruhi ya mguu wakati Michael Carrick alilazimika kutoka katika mchezo dhidi ya Ufaransa.