BALE ADAI HANA MPANGO NA BALOON D'OR.

MSHAMBULIAJI wa Real Madrid, Gareth Bale amesema hafikirii kuhusu tuzo binafsi kama ile ya ballon d’Or. Mshindi wa tuzo ya Ballon d’Or kwa jana anatarajiwa kutangazwa baadae leo huku nyota mwenzake wa Madrid Cristiano Ronaldo akitafuta tuzo yake ya nne katika kinyang’anyiro ingawa anakabiliwa na upinzani mkali kutoka kwa nyota wa Barcelona Lionel Messi na Neymar. Wakala wa Bale amewahi kudokeza kuwa mteja wake huyo anaweza kushinda tuzo hiyo siku zijazo na kudai anaitaka lakini nyota huyo wa kimataifa wa Wales amejitokeza na kudai hana mpango nayo. Akihojiwa Bale amesema tuzo binafsi huwa hapendi kabisa kuzifikiria kwasababu hazina faida yeyote kwake. Nyota huyo aliendelea kudai kuwa kikubwa anachofanya yeye ni kufanya bidii na kuisaidia timu ili waweze kushinda mataji mengi kadrid iwezekanavyo.