KLOPP AMUONYA GUARDIOLA JUU YA RATIBA NGUMU YA LIGI UINGEREZA.

MENEJA wa Liverpool, Jurgen Klopp amemuonya Pep Guardiola kuwa changamoto kubwa atakayokabiliana nayo Ligi Kuu ni ratiba ngumu ya mechi. Guardiola mwenye umri wa miaka 44, ambaye anatarajiwa kuondoka Bayern Munich mwishoni mwa msimu huu, amesema ana mpango wa kufanya kazi Uingereza baada ya kutoka Ujerumani. Klopp mwenye umri wa miaka 48, amesema kuwa mechi nyingi za Kombe la Ligi zimemshangaza. Meneja huyo aliendelea kudai kuwa wakati anafika hakujua kuwa kuna mechi za mikondo miwili katika hatua ya nusu fainali ya Kombe la Ligi. Klopp amesema ni tofauti sana na Ujerumani hivyo anadhani Guardiola hiyo ndio changamoto kubwa atakayokabiliana nayo.