MADRID KUMTENGEA HAZARD PAUNDI MILIONI 100 KIANGAZI.

KLABU ya Real Madrid inaripotiwa kujipanga kutenga kitita cha paundi milioni 100 kwa ajili ya kuwania kumsajili mshambuliaji wa Chelsea Eden Hazard majira ya kiangazi. Hazard amekuwa akihusudiwa na meneja mpya wa Madrid Zinedine Zidane ambaye amechukua nafasi ya Rafael Benitez aliyetimuliwa Jumatatu. Madrid sasa wanaweza kuangalia uwezekano wa kumsajili nyota huyo wa kimataifa wa Ubelgiji ambaye kiwango chake kimeshuka kidogo toka kuanza kwa msimu huu akiwa Stamford Bridge. Chelsea wanadaiwa kuisubiria kwa hamu ofa hiyo kutoka kwa wakongwe hao wa soka wa Hispania.