ZIDANE AMTOA HOFU GARETH BALE.

MSHAMBULIAJI wa Real Madrid, Gareth Bale amehakikishiwa mustakabali wake baada ya meneja mpya Zinedine Zidane kumpongeza winga huyo wa kimataifa wa Wales. Bale alijiunga na Madrid miaka miwili na nusu iliyopita kwa ada iliyovunja rekodi lakini amekuwa akipata wakati kwa baadhi ya nyakati akiwa na klabu hiyo. Pamoja na Manchester United kuonyesha nia ya kumuwania tena, Bale mwenye umri wa miaka 26 alikuwa amejitengenezea mahusiano mazuri na Rafael Benitez hivyo kuzua hofu baada ya kocha huyo kutimuliwa. Hata hivyo, Zidane haraka amemuhakikishia Bale kuwa kuondoka kwa Benitez hakutamuathiri kwa kiasi chochote. Zidane amesema anafahamu jinsi gani anavyojisikia Bale kufuatia kuondoka kwa Benitez lakini anamuhakikishia kumuonyesha ushirikiano kama aliokuwa akipata kutoka kwa kocha huyo.