MULLER AIZODOA MAN UNITED.

MSHAMBULIAJI wa Bayern Munich, Thomas Muller ameripotiwa kukataa uhamisho wa majira ya kiangazi kwenda Manchester United. Mara kadhaa United wanadaiwa kumfuata nyota huyo wa kimataifa wa Ujerumani mwaka jana ka ajili ya kumsajili lakini wamekuwa wakikataliwa. Lakini kukataliwa huko na mkataba mpya aliopewa Muller Allianz Arena havikuwakatisha tama ya kuendelea kumfukuzia nyota huyo. Hata hivyo, Muller mwenye umri wa miaka 26 amewakatalia tena United waliotaka kumsajili kiangazi, akidai anataka kuendelea kubakia Ujerumani.