CONTE KWENDA NA POGBA CHELSEA.

KOCHA wa timu ya taifa ya Italia, Antonio Conte anatarajiwa kumuwania Paul Pogba kama atakuja kuwa meneja wa Chelsea majira ya kiangazi. Chelsea walikutana na wawakilishi wa Conte Januari na walitarajiwa kufanya mazungumzo zaidi ifikapo Machi mwaka huu. Na wakati wa mkutano wao Januari, Chelsea walipewa orodha ya wachezaji anaowataka Conte huku Pogba akiwa chaguo la kwanza. Taarifa zinadai pia kuwa beki wa Atletico Madrid Jose Gimenez na nyota wa Paris Saint-Germain Marco Verratti na Ezequiel Lavezzi nao wapo katika orodha hiyo. Pia inaripotiwa kuwa Conte tayari ameanza shule ya kujifunza kiingereza na amepania kufanya kazi katika Ligi Kuu.