ENRIQUE AANZA KUWAZA MATAJI.

MENEJA wa Barcelona, Luis Enrique amesema bado wana safari ndefu ya kwenda msimu huu baada ya klabu hiyo kufikia rekodi yao ya kutofungwa katika mechi 28. Ushindi dhidi ya Levante Jumapili iliyopita ulikuwa wa 10 mfululizo kwao na kama wakifanikiwa kutofungwa katika mchezo dhidi ya Valencia kesho kutwa watakuw wamefanikiwa kuvunja rekodi hiyo waliyoweka msimu wa 2010-2011. Akihojiwa Enrique ambaye anatimiza mchezo wake wa 100 toka apewe mikoba ya kuinoa klabu hiyo amesema hana mpango na mambo ya takwimu anachotaka yeye ni madhumuni ya pamoja waliyonayo na wanaweza kufikia hayo mwishoni mwa msimu. Enrique amesema wako katika nafasi nzuri ya kutwaa mataji ya mashindano yote msimu huu lakini bado kuna safari ndefu mpaka kufikia kiangazi.