GIROUD AKIRI UBUTU WA SAFU YA USHAMBULIAJI.

MSHAMBULIAJI nyota wa Arsenal, Olivier Giroud amesema yeye pamoja na wachezaji wenzake wanapaswa kuongeza umakini pindi wawapo mbele ya goli ili waweze kurejesha matumaini yao yam bio za ubingwa wa Ligi Kuu. Kauli hiyo imekuja kufuatia Arsenal jana kung’ang’aniwa sare ya bila kufungana na Southampton na kuwafanya kuporomoka mpaka nafasi ya nne katika msimamo wa ligi wakiwa alama tano nyuma ya vinara Leicester City. Giroud amesema anafahamu safari bado ni ndefu lakini wanahitaji kuongeza bidii pindi wanapofika katika lango la wapinzani ili waweze kupata matokeo wanayohitaji. Nyota huyo aliendelea kudai kuwa ana matumaini hilo wataanza kulifanyia kazi katika mchezo wao ujao dhidi ya Bournemouth.