VAN GAAL AMKARIBISHA GUARDIOLA UINGEREZA.

MENEJA wa Manchester United Louis van Gaal ameipongeza Manchester City kwa kumteua Pep Guardiola kuinoa timu hiyo msimu ujao. Van Gaal alikuwa meneja wa Guardiola wakati akiwa Barcelona na ndio alimpa unahodha kiungo huyo wa zamani Camp Nou. Guardiola raia wa Hispania toka wakati huo amekuwa akifuata nyayo za bosi wake huyo wa zamani akiwa kama meneja na ufurahia mafanikio makubwa wakati akizifundisha Barcelona na Bayern Munich. Changamoto nyingine ya Guardiola itakuwa ni kuchukua nafasi ya Manuel Pellegrini katika Uwanja wa Etihad majira ya kiangazi ambako atakuwa hasimu wa Van Gaal ingawa Mholanzi huyo amesema atafurahi kumuona tena. Akihojiwa mara baada ya ushindi wa mabao 3-0 waliopata dhidi ya Stoke City jana, Van Gaal amesema Guardiola ni nahodha wake wa zamani hivyo atafurahi kukutana naye tena.