WILSHERE, CAZORLA MBIONI KUREJEA UWANJANI.

MENEJA wa Arsenal, Arsene Wenger amesema Jack Wilshere na Santi Cazorla waliokuwa majeruhi kwa kipindi kirefu wamebakisha wiki chache kabla ya kurejea tena uwanjani. Kauli ya Wenger ameitoa wakati akizungumza na wanahabari kuelekea katika mchezo wao wa Jumapili hii dhidi ya vinara wa Ligi Kuu Leicester City. Cazorla aliumia mguu wakati wa sare ya bao 1-1 waliyopata Arsenal dhidi ya Norwich City Novemba 29 mwak jana wakati kiungo mwenzake Wilshere yeye hajacheza mechi yeyote msimu huu baada ya kuvunjika mfupa wa ugoko wakati wa maandalizi ya msimu. Akihojiwa na mtandao wa klabu hiyo, Wenger amesema Cazorla na Wilshere tayari wameshaanza kukimbia na katika kipindi cha wiki chache zijazo anadhani wanaweza kurejea uwanjani. Wenger amesisitiza mshambuliaji Danny Welbeck ambaye hajaitumikia klabu hiyo toka April mwaka jana, anaweza kurejea katika mchezo wa Kombe la FA dhidi ya Hull City Februari 20 mwaka huu.